आशेचा किरण...!!!

शब्दांनाही नाही कळले
शब्दांचा पलिकडले

शब्दही अपुरे पडले
शब्दातून व्यक्त होताना 

गळून गेले शब्द
लेखणीचा भार  सांभाळताना
अशाच अधुऱ्या राहिल्या त्या भावना….

ना उमगल्या त्या कोणांस
ना जाणिल्या कोणी त्यांस
मग व्यक्त होणार तरी त्या कश्या…?

भावनांचा हा कल्लोळ
अस्वस्थ करून जाई मन
का कोणास ठावूक ,
पण घाबरून जाई  मन
वेडे मन विचार करी……
"कधी संपणार हा भावनांचा खेळ?"
भलताच मांडला आहे हा खेळ
वाटे बोलावे जाऊन सरळ
पण बोलणे काय सारेच तर आहे व्यर्थ
मात्र तरी असे मनी एक आशेचा किरण
केंव्हा तरी गवसेल तो "आशेचा किरण"!